عروس النيل

عروس النــيل
عروس النيل يابت يا تحفة
أنهر ريدك سقتني حنان وفاضت حتى الضفة
كلمات خطاها يراعك جفف حزني ومدادو ماجف
إنت الساحل إنت الميناء إنت المرفأ

عروس النيل يا الملكة وكلك عفة
يا رنة طار يا صوت نوبة في ليلة زفة
يا النيل الساقي أرضنا وفينا إلتف
إنت حنان إنت البهجة إنت الإلفة

إنت الدهب العمرو ما بصدى
وثابتة الطيبة عندك مبدأ
فيك خصال فايضة حنان كستني مودة
والحنية ليك وشاح والرزانة باقية مخدة

يا بت يا صباح إتعودنا على صوتك نصحى
يا صوت موسيقى في زغرودة فرحة
يا ميلاد طفل جديد آيات بشارتو الصرخة
ونحن ميلادنا يوم شفناك في أجمل صدفة
يا بت يا بهجة
وكلك عفة

جبرالله خالد جبرالله

ت : 00971509269069
بريد إلكتروني : al-water2010@hotmail.com[/center][/center][/b][/size]

الجراح الأربعاء نوفمبر 10, 2010 9:56 pm

شنو ياجبر الله بقيت شاعر على غفله وبعدين ياخي سلم علينا
التحيات لله وكلنا في المنتدى موجودين وبنتصفح

تحيات انور الجراح

زكريا عبدالرازق الإثنين ديسمبر 06, 2010 2:07 pm

التحية والتقدير للاخ جبرالله والاخ انور
انت يا انور حاسد ولا بقران الشعر دة داير ليه تعب
عصرية كدة تطلع برة الحلة تلقى نفسك ألفَت قصيدة

عروس النيل

عروس النيل

الواتر

رد: عروس النيل