الى ودخالي عبدالقادر النوبي

الجراح الأربعاء ديسمبر 02, 2009 10:57 pm

ياودخالي لاتهلك لنا زكريــــــــــــــــــا
قول مربوعه مربوعتين شويه شويه
زكريا الكتاب كان حافظو ميه الميه
هو الهالكنا الا نجيبلو اجواديــــــــــــه

زكريا عبدالرازق الثلاثاء ديسمبر 08, 2009 9:54 pm

يا انور ماتخاف على اخوك من الهلاك
اخوك حافظ كتير بس قول لى ود خالك عبدالقادر ماتنقطع
تحياتنا لعبدالقادر النوبى

عبد القادر النوبي الأحد يناير 24, 2010 8:35 pm

إخوتي والله غالين علي شديد لكن ظروف العمل تمنعني حتى أن أفتح الإميل
ولكن في القريب القادم والجايي أحلى واجمل لكم مني تحيات للكل ومرحب ب أنور نايل الجراح متأخراً ويا زكريا سلام

وهاكم

فيها شبه الشرفن شاشا ليهن
شوشن ربشلو
كشكيش قشهن
في الكوشة كشن منو
حدمن وقرجمن
ود حينتن بشنو
عشن ود حشاهن
وبي العسين نشنو
مهداء للجميع وللجراح خاصة

الجراح الخميس فبراير 11, 2010 12:50 am

كيف الحال عبدالقادر بصراحة غنوتك مافيها كلمه
واروع مافيها اللغه الدارجيه البحته التي تحمل معنى الدوبيت
الاصلي وياريت تزكر اسم الشاعر علشان لمن نقولها في مجتمع نزكر اسم شاعرها ونحفظ حقه
ونهديك غنوه دارجيه

قامنبو العشا ونصة نهار هجمنبــــــــــــــــــــــو
وشرابهن كمعه في تباً قفر وردنبــــــــــــــو
شافاً حايمة القناص وانزردنبـــــــــــــــــــــــو
اخدن حيل جناهن وكلهن ترزنبـــــــــــــــــــو

[size=18]
الشاعر احمد عوض الكريم ابوسن
تحياتي للاخوه بالنتدى ولك وللاخ زكريا الزي غاب عننا كثيراً

تحياتي
الجراح[/size]

الى ودخالي عبدالقادر النوبي

الى ودخالي عبدالقادر النوبي

رد: الى ودخالي عبدالقادر النوبي

تحيات للكل وخاصة الجراح

[size=12]تحية للاخ عبدالقادر[/size]